بقلم : عمار مطاوع خلص الكلام ..
إيه ممكن اكتب أو اقول ؟
دا الناس راحت منها العقول زمن الكلام راح وانتهي دلوقتي جه زمن الجزم
بتقول يابوش راح تنهزم راح تنجلي عن ونقي منك عرضنا
روح من هنا
إيه ناوي تاني تقولنا ؟!!
هتقول سلاح ؟!!
الكدب راح منك طهق
والكل يآخي خلاص زهق
اسمع يا بوش
الجزمة دي أول قرار
لسه اللي جاي
دا بير غويط مالهوش قرار جاي النهار
رغم الكلاب مابيختشوش
سامع يابوش
أوعاك تفكر اننا ممكن نخاف لو من جيوش
سدقني ساعة الحق لو ملكك كمان كل البشر مش راح تحوش
روّح يابوش كل الكلام أصبح فشوش
شعب العراق طول عمره عارف عارف كمان ان الحصار ما بينهيهوش غير الحصار وان الدمار محتاج دمار
زمن الكلام راح وانتهي دلوقتي جه زمن الجزم
بتقول يابوش راح تنهزم
اسمع يابوش عندي اقتراح لو يوم هتدخل مؤتمر كل الجرايد والصحف تدخل أوام
لكن يابوش من غير جزم
من غير شراب
وتمشي حافية علي التراب
يمكن سعتها ماتنحدفشي بالجزم
لكن يابوش
كل العرب بتقول كلام عن ناس جزم مابيفهموش والدم منهم راح خلاص
كل العرب بتقول سلام علي منتصر واهو دا الكلام كل العرب بتضم جزمة لجزمته
ويارب تخلص أزمته
قام وانفجر وفي جزمته صوت العرب قال كلمة كله في نفسه لو مرة يقولها لو إيه هيحصل بعدها زمن الكلام راح وانتهي دلوقتي جه زمن الجزم بتقول يابوش راح تنهزم
عن جزمة يوم قالت كلام قالتها ولكل الشعوب راحت عليكوا يا أمريكان
راحت عليكوا يا أمريكان التسميات: مختارات متنوعة |