اليوم 30/3/2009 بعد صلاة الفجر مباشرة حوالى الساعة السادسة صباحاً ..استيقظ على صوت الموبايل والرسائل نظرت لجهازى الجوال.....ياالله ...ياالله ...الطف يارب ...3رسائل واردة و16 مكالمة لم يرد عليها ...لطفا ياالله.
بلغ قلبى حنجرى ماذا أفعل ؟؟ افتح الموبايل ...لآ... اوعى لتكون رسالة مزعجة .....أصبحنا وأصبح الملك لله...متفتحش...لالالالالا..لازم تفتح ....اهتزت أصابعى على زر الغاء القفل والنجمة وكتبت رمز الحماية.... ونظرت بنصف عينيى وأغمضتها برهة فإذ برسالة لم تكن ع البال أو الخاطر....يالله....بجد... مش مصدق نفسى بجد والله .....الرسالة بتقول "ألف مبروك نجحت ياباشا " أنا نجحت ..أنا نجحت ..ياشباب يابنات يا اخونا انا نجحت والله ...دى طبعاً مش دهشة لكن فرحة.....طعم النجاح أصلاً لو دقته مش هتصدقه ....الحمد لله ...الحمد لله...الحمد لله ليك يارب ..عقبال لما انجح كده فى آخرتى أنا واخوانى واخواتى
طبعاً دى أول مرة دونت فيها تدوينة نجاح ....عشان كده زى مانتوا سامعين عامل فرح فى مدونتى "مدونتى بقى وانا حر فيها"...دى أكيد فرحة النجاح ...ربنا يوفقنا جميعاً دنيا وآخرة.منساش طبعاً أهدى النجاح ده لجميع اخوانى المدونين"عمار وبن الياسرجى وحسبى ربى وآلاء محى وشيماء ورفيدة ومدونون من أجل فلسطين وحياتى نغم وكريم مصطفى وبحر الدموع وأحمد سنجاب وفى قلبى نور والفاتح الجعفرى وعم فشكول واسلام ديووالبنت المشمشية وعبد الله حسنى واخت مسلمة وشباب أون لاين وعزالإسلام وأم أنس ونبض الحياة ولا للسكوت اختى خديجة والدكتورة سلمى وحفيدة البناوناس كتير جدا يمكن أكون مذكرتش أى واحد منهم"وطبعا اخوان الدار "ومقدرش انسى حبيب قلبى اللى كان حنين عليا وبعتلى رسالة النجاح...ربنا يجزيه خير" واخوان مدينتى الحبيبة...ألف ألف مليون مبروك...على كل واحد ناجح فينا ...وأكيد بقول للى مقدرش ينجح المرة دى ربنا يعينك ويوفقك إن شاء الله المرة القادمة ومعلش هى كده سنة الحياة....آه أكيد بهدى النجاح لأبى وأمى واخويا أحمد يوسف...شاركونى الفرحة بقى جميع التعليقات متاحة الآن للزوار والمدونين اضغط هنا لتشاركنى الفرحة التسميات: ملفات خاصة |
.gif)
كم تغمرني سعادة غامرة ..بنجاحكم أخي الفاضل
أعجز تماما عن وصف هذه السعادة..وكأنها فرحة نجاحي
ألف ألف مبروك...وعقبال الفصل الدراسي الثاني